Lajme dhe Ngjarje

Komunikatë për media

Posted by:

PËR: Kryeministrin në detyrë Z. Albin Kurti

CC: Ministrin e Financave dhe Transfereve në detyrë Z. Besnik Bislimi

CC: Ministrit të Shëndetësisë në detyre Dr. Arben Vitia

NGA: Kryetari i Federatës së Sindikatave të Shëndetësisë së Kosovës Dr. Blerim Syla

LËNDA:Reagim me shkas në lidhje më ndarjen e kompenzimit shtesë për punëtorët shëndetësor të paraparë në Pakon Fiskale Emergjente- Masa 6

Federata e Sindikatave të Shëndetësisë së Kosovës e indinjuar thellë nga informatat që vijnë prej terreni në lidhje me ndarjen e kompenzimit shtesë(stimulimit) për punëtorët shëndetësor, reagon në mënyrën më  të ashpër të mundshme (në këtë kohë Pandemie).

I nderuari Kryeministër në detyrë,

Duke ju rikujtuar reagimet tona me kohë nga data 12 Mars 2020 deri më sot janë adresuar Komunikata, Reagime dhe Kërkesa si në vijim( 12 Mars 2020, 13 Mars 2020, 16 Mars 2020, 23 Mars 2020, 27 Mars 2020, 29 , 30 dhe 31 Mars 2020, 01,02 dhe 3 Prill 2020, 16 Prill 2020).

I nderuari Z. Kryeministër në detyrë, po ju bëj edhe njëherë me dije se bazuar në informatat nga terreni e që kanë të bëjnë me ndarjen e kompenzimit shtesë(stimulimit) për punëtorët shëndetësor, po më duhet të jua rikutoj se sistemi shëndetësor është zingjiror dhe çdo shkëputje e hallkës së këtij zingjiri dërgon në dështim të sistemit shëndetësor.

Pra, nëse stimulimet nuk do të bëhen ashtu siq e meritojnë punëtorët shëndetësor dhe stafi i tij mbështetës ju do të mbani përgjegjësi morale dhe juridike.

I nderuari Z, Kryeministër në detyrë, po jua rikujtoj se në një institucion më të vogël shëndetësor i cili funksionon në këtë kohë Pandemie bëjnë pjesë:Punëtori i sigurimit,pastruesi/ja,bartësit, vozitësit, shërbimet teknike, IT-të dhe duke përfunduar tek infermierët dhe mjekët.

Çdo diskriminim I këtyre punëtorëve do të konsiderohet shkelje e të drejtave të njeriut si dhe shkelje e të drejtave të punëtorëve, gjë për të cilën FSSHK do të ndërmerr të gjitha hapat juridike.

Po ju themi hapa juridik ngase hapat sindikaliste në këtë moment nuk mund ti ndërmarrim, sepse jemi në vijën e parë të frontit.

 

Me respekt,

Dr. Blerim Syla

Kryetar i FSSHK-së

0
Creative Theme