Blerim Delija, nënkryetar i Federatës së Sindikatave të Shëndetësisë, tha se shqetësim i punonjësve shëndetësor është edhe shtesa prej 44 euro, e cila pavarësisht se iu është kthyer me aktgjykim të Gjykatës Kushtetuese, atyre prapë iu ndalohet.
“Nuk është vetëm 0.5%, nuk është vetëm 0.5% shqetësim i joni, për punëtorët shëndetësorë është edhe 44 euro, i cili me vendim të Gjykatës Kushtetuese e anulon nenin në të cilin janë ndërprerë këto ta hyra. Do të thotë Gjykata Kushtetuese i ka kthy”, tha Delija.
Sipas tij, një Qeveri nëse nuk zbaton vendimet e Gjykatës Kushtetuese duhet të ketë rrugë tjetër që të detyrohet t’i zbatojë vendimet e Kushtetueses.
“Ne e kemi një marrëveshje që këta janë të detyrum me na i kthy mjetet sipas vendimit të Gjykatës Kushtetuese. Kemi çu letra të panumërta edhe në Qeveri të Kosovës, asnjë përgjigje s’kemi marrë as nga Qeveria e as nga Ministria, kemi kërku takime të shumta me ministrin Arben Vitia, që të mos lejojnë zyrat e avokatëve po të veprojnë sipas vendimit të Gjykatës Kushtetuese dhe arsyeja e ministrit Vitia ka qenë se zyra e vet ligjore nuk i sheh këto shkelje ose këto detyrime sipas Gjykatës kushtetuese”, tha Delija.
Ndryshe, Instituti i Kosovës për Drejtësi (IKD), me përkrahje të National Endowment for Democracy dhe Rockefeller Brothers Fund, të enjten ka mbajtur takim diskutues me përfaqësues të partive politike parlamentare dhe ka publikuar raportin “Mosveprimi i Kuvendit shkel të drejtat e 90,696 zyrtarëve publikë dhe rrezikon buxhetin shtetëror”. /BetimipërDrejtësi
MAR
2025