Të nderuar,
Bazuar në nenin 21 paragrafi 3 i Ligjit nr. 04/L-011 gjeni më poshtë informacionet dhe kërkesat për shërbimin në lidhje me auditimin e jashtëm të xhirollogarisë kryesore të FSSHK-së si dhe për xhirollogaritë e Regjioneve Sindikale,Sindikatën e QKUK-së,Sindikatën e IKSHPK,Sindikatën e EKTGJ,Sindikatën e Stomatologjisë dhe Sindikatën e IML-së.
| Organizata: | FSSHK |
| Tipi i Shërbimit të kërkuar: | Auditimi i jashtëm për vitin 2021 |
| Data e dorëzimit të ofertës financiare dhe dokumentacionit: | 3 ditë nga data e publikimit në webfaqe të FSSHK-së |
Informacion mbi FSSHK-në
Federata e Sindikatave të Shëndetësisë së Kosovës – është organizatë përfaqësuese e punëtorëve shëndetësor në Republikën e Kosovës, e që paraqet organizim sindikal në nivel Federate. Kjo Federate sindikale në gjirin e saj ka rreth 10 mijë anëtar/e dhe përbëhet prej 49 Shoqatave Sindikale të organizuara nëpër insititucione shëndetësore në mbarë territorin e Republikës së Kosovës.
FSSHK-ja, me një strukturë të sofistikuar organizative, ofron përfaqësim dhe mbrojtje dinjitoze për të gjithë anëtarët e saj, dhe ka të shtrirë strukturën e saj në mbarë territorin e Republikës së Kosovës. Selia e FSSHK-së gjendet në kryeqytetin e Kosovës, dhe ka të punësuar stafin profesional, përmes të cilit jep ndihmë profesionale për mbarë anëtarësinë e saj.
FSSHK-ja, si organizatë e pavarur dhe e orijentuar në interesa të veçanta mbi mbrojtjen e të drejtave dhe dinjitetit të punëtorëve shëndetësorë, e organizuar sipas parimeve moderne demokratike, dhe funksionalitet të realizuar përmes organeve vendimmarrëse mbi bazën e vullnetit të anëtarësisë, paraqet asocimin e punëtorëve shëndetësorë në arritjen e qëllimeve të materializuara në harmoni me kërkesat reale të tyre.
Shërbimi i kërkuar
- Auditimi i jashtëm i mjeteve të shpenzuara për vitin fiskal 2021 të përgatitura sipas Standarteve Ndërkombëtare të Kontabilitetit dhe rregullave të tjera në fuqi në Kosovë.
- Raporti i Auditimit kërkohet të paraqitet në gjuhën Shqipe.
Dokumentacioni që duhet të paraqitet nga Aplikantët
- Licenca e Praktikes se Firmës Ligjore të Auditimit;
- Certifikata e Regjistrimit të Biznesit; numrit fiskal; TVSH-së (nëse jeni deklarues i TVSH-së);
- Historikun e firmës ligjore dhe CV e drejtuesit të saj.
- Do të preferohen firmat e auditimit te cilat kane së paku 2 vite eksperiencë ne auditimin e veprimitarive përkatëse.
- Plani i Punës së Procesit të Auditimit.
Ju lutemi të sillni ofertën financiare së bashku me dokumentancionin e lartpërmendur, jo më vonë se data 31.03.2022 ora 14:00.
Adresa e Kontaktit:
FSSHK- Rr. Mustaf Kruja V/17-Prishtinë
e-mail: info@fsshk.eu
tel: 048/588-902
MAR
2022